- 唔想一大篇blog咁打.所以都係以bulletin o既format去記低近排o既事, 我打得開心時你地又易睇d =)
- 係西藏時都唔覺晒得有幾黑.番到香港之後先發覺..原來真係晒到好黑囉
- 以前都覺得香港天氣幾濕幾熱都好.作為一個香港人都應該頂得順香港d天氣.點知原來唔係囉.一番到黎香港就即刻好掛住西藏d乾爽+唔熱o既天氣
- 唔好問我幾時post相.d相多到懶得執
- 唔好問我會唔會打遊記.因為我帶去西藏本travel diary都有十幾日無寫
- 番到香港之後發覺有4日係成都影o既相都唔見左.不過好彩o個幾日都唔係影左好多相.
- 諗住去完西藏番黎會再瘦d.點知去完西藏係重左幾磅.
- 我就重左.但係同行o個位仁兄竟然輕左10磅.條褲鬆到係咁漏...不過佢係因為唔係太食得辣同埋d野食唔懶, 攪到成日都肚屙所以先瘦..所以都唔知係佢好彩定我好彩.
- 去完西藏之後d頭髮乾焊左好多.洗頭時成日斷頭髮.洗完頭d頭髮會打晒kick.落左好多conditioner都唔太得.各位有咩方法可以救救小女子d頭髮?
- 去完西藏番到香港之後..可能番落黎平地多氧氣.所以頭幾日都係咁訓.
- 17號o個日終於去左九龍城間清真牛肉館度食爆汁牛肉餅, 不過同行o個位仁兄話已經無以前咁好食lu, 但係我覺得都好好食wo~個咖哩羊腩都好好味.(可能會出番月篇blog講下呢間清真牛肉館)
- 18號o個日張太同埋幾位姊妹去左尖沙咀香格里拉度食buffet, 食完之後好醒目咁去左royal garden間cake shop買蛋糕同埋muffin番黎.咁岩同行有位師奶有discount, 好抵+好食.正!
- 20號去左jw marriott間fish bar度食.之前睇完openrice之後已經想試好耐.加上d食評都大讚, 所以expectation都幾高下.最後食完都無失望.expectation同埋滿足感完全係成正比.雖然係貴左少少.但係響咁o既location, 咁o既價錢之下有咁好quality o既fine food我覺得真係值.呢間fish bar完全值得encore去多次. (fish bar完全值得寫篇blog去表揚佢.不過遲少少先.)
- 20號食完fishbar之後去左amc pacific place度睇ice-age 3 o既英文3d version, 睇3d電影雖然係幾得意.不過睇咁耐真係會好頭痛..我睇左20分鐘左右已經覺得好痛好累, 不過其實唔睇3d又唔得.佢太多場面都係為3d而整.我諗到up上時都會再去睇3d~
- 睇完ice age之後去左香港公園打排球.太耐無打.真係生疏晒.
- 21號去左澳門.同3間賭場拉鋸左半日.係威尼斯人玩21點時明明贏緊幾百.最後比一位唔識玩21點o既阿嬸坐左落黎之後就變左輸500.=.=
- 22號朝早去左太空館睇個世紀日蝕.8點半去到.到日蝕完左都入唔到太空館囉.同埋尖沙咀o個面勁厚雲.全程都係得一陣睇到.所以呢次solar eclipse都幾令我失望.
- 睇完日蝕..又入唔到太空館.所以去左隔離睇個louis vuitton o既展覽.都幾得意.可惜唔比影相.
- 睇完個展覽就去左nikon cs度吹塵..部d90去完西藏之後真係成部都係沙塵..呢次旅行辛苦左你啦~~~
- 吹完塵就去左eaton地庫間日本野度食lunch.之前係facebook見到有買一送一優惠.加上openrice食評又唔差.所以都滿懷信心咁去試.結果係完全令人失望..係失望到我覺得去百佳買壽司食都重好食過佢.呢間野完全可以ban.
- 聽日24號好忙丫.一日3個飯局~~lunch約左everest, tea約左大頭黃.夜晚約左twister班隊友..好期待!!!!!!!!!!
ps.打完呢篇blog之後發覺其實可以分番幾日咁打..嗯..不過都係遲d先算..而家記低左.遲d再連埋相補寫番.
